泛民踩單車爭取港島海濱徑

【明報專訊】建築、測量、都市規劃及園境界立法會議員姚松炎（左），噚日聯同港島區兩名立法會議員羅冠聰（右）、民主黨許智峯，以及約300個市民，一齊喺港島踩單車，爭取發展港島海濱單車徑。一行人由堅尼地城出發，去到北角拓展署遞交爭取單車徑意見書。羅冠聰喺facebook話，綠色生活同低碳生活係全球城市發展嘅大趨勢，其中以單車代步係一個重要元素。阿聰希望政府可以處理規劃問題，讓市民可以用單車代步，環保又健康。