法新社專訪 周融﹕未來目標反自決

【明報專訊】「幫港出聲」召集人周融衝出香港，接受法新社專訪，文章形容佢係「親北京嘅煽動者 （firebrand）」。周融喺專訪中強調，自己未來嘅工作目標就係要反港獨反自決，「我哋現時係反香港分裂，呢個係我哋首要目標」。佢又話希望消除市民對政治嘅冷漠。


特首跑馬仔已經開始，各方招兵買馬，周融就喺專訪中提到自己係「政治局外人」，唔會參與其中，又話自己喺制度以外更舒服。周融去年尾率領幫港出聲成員到北京，仲獲得全國人大委員長張德江接見；周融當時喺北京，仲代表官方「宣布」，話中央主管部門同意無回鄉證嘅「反對派」人士可以申請證件進入內地，風頭可以話係一時無兩㗎。