少年許智峯 畀何漢權捉入廁所剪髮

【明報專訊】民主黨立法會議員許智峯因為曾經喺區議會發動靜坐佔領，又走上街頭圍堵地盤，所以有個外號叫「瘋鴿」。估唔到阿峯讀中學夾band時，就曾經因為頭髮太長而被訓導主任捉入廁所剪頭髮，而呢個訓導主任就係教育評議會副主席何漢權。


中學愛夾band 髮長過眉被捉

阿峯喺屯門仁愛堂田家炳中學讀書，佢噚日同傳媒午宴時講起教育議題，就透露讀書時曾經因為頭髮太長過眼眉，所以被當時喺呢間學校任職訓導主任嘅何漢權捉去廁所剪頭髮。


1982年出世嘅阿峯笑言當年流行夾band，加上歌手影響，唔少男同學都留長頭髮。阿峯話，嗰陣時何漢權其實係會畀錢一啲同學去剪頭髮嘅，但自己就無呢支歌仔唱。


阿峯話，來年會繼續關注TSA等教育議題，仲會跟進中環郵政總局搬遷一事等。