長者生活高峰會 自動沐浴機亮相

【明報專訊】香港人口漸趨老化，無論係政府抑或民間團體都著手研究長者問題，Emily得知，非牟利機構「黃金時代基金會」會係黎緊既星期六、日舉行展覽暨高峰會，討論長者生活，包括醫護創新、財務規劃及生死等問題。唔少政界人士都獲邀出席，剛獲委任政務司長既張建宗、特首參選人林鄭月娥競選辦主任陳智思、立法會前主席曾鈺成等都會係周六出席高峰會。基金會主席容蔡美碧話，香港對長者嘅社會觀念、制度都十分老化，唔少已經不合時宜，需要政府、民間及商界一齊解決高齡化問題。
除左高峰會，佢哋亦會有展覽展出多種長者智能產品。Emily睇過一款全自動沐浴設備，長者可以坐住，按動按鈕，水就會從四面八方噴出，而內置溫度調控系統同暖風機亦避免長者凍親。研發產品嘅Human Washer公司，創辦人許先生話，產品未正式推出市場，現時接獲一間公立醫院及數間老人院邀請，稍後會各擺放一部沐浴機畀佢地試用。