國泰港龍推盆菜煲仔飯

【明報專訊】搭飛機除咗享受影音設備睇吓戲，唔少人都關心有乜嘢食同味道如何，Emily知道國泰港龍航空會喺農曆新年推出時令機上餐膳，包括煲仔飯及特色盆菜。煲仔飯有「瑤柱松茸銀魚排骨煲仔飯」、「窩蛋牛肉餅臘腸膶腸煲仔飯」及「龍躉帶子蝦球煲仔飯」等，每半個月換一款。商務艙同頭等艙客可以享用。


乘坐香港前往北京及上海嘅指定航班將會輪流供應煲仔飯系列；其中由即日起至下月28日，商務客艙乘客可以品嘗得到，至於頭等客艙就可以食到3月31日。除咗煲仔飯系列，航空公司第六年供應盆菜，由即日起至下月15日，會喺香港前往北京及上海指定航班嘅頭等客艙，推出迷你南瓜盆菜，食材包括鮑魚、瑤柱及金蠔等。