黃之鋒再赴台交流 遇「朱凱廸」

【明報專訊】香港眾志秘書長黃之鋒月內再度訪台，佢噚日應民進黨「新社會智庫」邀請，出席對方主辦嘅「兩岸政經研習營」，同幾十個年輕台灣研究生交流，佢喺活動前就上載咗一張當地書店介紹立法會議員朱凱廸嘅展板相。
黃之鋒話，唔少與會者都關注香港議員被覆核資格嘅事，自己就喺會上分享對香港民主運動嘅想法，話港台兩地雖然有不同歷史同制度，但兩地同樣受中國因素影響，北京對兩地干預「愈來愈多」，自己希望兩地公民社會有更多交流同分享經驗，壯大公民社會。
（黃之鋒facebook圖片）