新聞類別
副刊
詳情#
【明報專訊】一月係唔少學校考試嘅日子，原來要埋單計分嘅唔止芸芸學子，仲有我哋嘅政府呀。Mama講緊係香港社區組織協會（SoCO）每年都會發表嘅《民間兒童權利專員報告》，為政府喺過去一年，改善基層兒童生活上嘅表現評分。最特別嘅係，畀分嘅唔係家長或者社工，而係二千名6至17歲嘅基層兒童。Mama覺得呢個安排好有意思，可以聽真啲佢哋嘅心聲，包保唔離地。
究竟喺呢班基層兒童心目中，政府有幾保障佢哋呢？等Mama即刻為大家揭曉！喺100分滿分裏面，政府只拎到15分，距離及格仲有一大段距離。呢15分主要嚟自教育措施，事關政府上年公布推行15年免費教育，加咗唔少分。但係喺房屋、醫療方面，就直頭捧零雞蛋。
在房屋醫療方面捧蛋
Mama聽SoCO幹事施麗珊講，呢班基層兒童畀低分，同親身經歷好有關。以醫療項目為例，有個8歲女仔早排發燒，媽媽陪佢排隊睇急症，「等足8個鐘先輪到佢，個小朋友病緊，再折騰咁耐，連平日夜晚嘅休息都冇埋，佢覺得好辛苦」。奈何受經濟能力所限，負擔唔到私家診所收費，無奈都要接受。
有時兒童都需要睇專科醫生，例如濕疹睇皮膚科、斜視要睇眼科，私家專科醫生收費更貴，對於基層家庭嚟講，絕對係一大難題。有家庭怕錯過治療黃金期，等唔切政府醫療服務，唯有儲錢去私家診所求醫，「小朋友印象好深刻，因為佢同家人成日食粥，為咗慳錢睇醫生」。
食粥儲錢睇醫生 喺牀上做功課
至於房屋方面，家香港有4萬名兒童住劏房或者板間房，生活環境好狹窄。有個住板間房嘅小朋友，屋企冇位放書枱，於是坐喺牀上，前面開一張細枱做功課。由於牀同枱高度差太遠，長期彎腰做功課，一來對脊椎唔好，二來學習質素亦大打折扣。
評完分後，佢哋喺SoCo導師指導下，諗咗唔少改善方法，包括設兒童醫療券、資助睇私家醫生；又提議政府資助學校請夜間校工，咁就可以留喺學校做功課，唔使喺屋企彎住腰做啦。年紀細細就咁有諗頭，Mama都好佩服，唔知政府又會唔會研究下以上建議，幫助基層兒童呢？
究竟喺呢班基層兒童心目中，政府有幾保障佢哋呢？等Mama即刻為大家揭曉！喺100分滿分裏面，政府只拎到15分，距離及格仲有一大段距離。呢15分主要嚟自教育措施，事關政府上年公布推行15年免費教育，加咗唔少分。但係喺房屋、醫療方面，就直頭捧零雞蛋。
在房屋醫療方面捧蛋
Mama聽SoCO幹事施麗珊講，呢班基層兒童畀低分，同親身經歷好有關。以醫療項目為例，有個8歲女仔早排發燒，媽媽陪佢排隊睇急症，「等足8個鐘先輪到佢，個小朋友病緊，再折騰咁耐，連平日夜晚嘅休息都冇埋，佢覺得好辛苦」。奈何受經濟能力所限，負擔唔到私家診所收費，無奈都要接受。
有時兒童都需要睇專科醫生，例如濕疹睇皮膚科、斜視要睇眼科，私家專科醫生收費更貴，對於基層家庭嚟講，絕對係一大難題。有家庭怕錯過治療黃金期，等唔切政府醫療服務，唯有儲錢去私家診所求醫，「小朋友印象好深刻，因為佢同家人成日食粥，為咗慳錢睇醫生」。
食粥儲錢睇醫生 喺牀上做功課
至於房屋方面，家香港有4萬名兒童住劏房或者板間房，生活環境好狹窄。有個住板間房嘅小朋友，屋企冇位放書枱，於是坐喺牀上，前面開一張細枱做功課。由於牀同枱高度差太遠，長期彎腰做功課，一來對脊椎唔好，二來學習質素亦大打折扣。
評完分後，佢哋喺SoCo導師指導下，諗咗唔少改善方法，包括設兒童醫療券、資助睇私家醫生；又提議政府資助學校請夜間校工，咁就可以留喺學校做功課，唔使喺屋企彎住腰做啦。年紀細細就咁有諗頭，Mama都好佩服，唔知政府又會唔會研究下以上建議，幫助基層兒童呢？
留言 (0)
