小麗會5歲幼園生 乘機諷CY

【明報專訊】面對DQ覆核嘅無黨派立法會議員劉小麗，噚日做番老師角色。特首梁振英（CY）喺之前嘅《施政報告》，引述一個5歲小朋友問自己香港有無足夠土地，從而帶出要搵地起屋嘅議題。劉小麗噚日就同一班參觀立法會嘅5歲幼稚園學生見面，介紹議會工作，佢喺facebook藉機抽CY水，話自己問班小朋友，政府應該將錢用喺咩人身上，有小朋友就答，應該幫助窮人同老人家。佢再問小朋友使唔使用喺有錢人身上，對方就答唔使。


劉小麗形容，CY借小朋友過橋，將「盲搶地」合理化，如今小朋友現身立法會，先係表達真正訴求。