全港首個戶外草地攝影展 盡覽夜中自然美

【明報專訊】近年唔少香港人都鍾意行山同露營，親親大自然。嚟緊禮拜五就有全港首個設於戶外草地嘅攝影作品展覽，以露營夜攝為主題，展出多幅80後山系攝影師黃嘉安（Klas）嘅作品。


80後攝影師露營夜攝

黃嘉安熱愛大自然，成日去唔同地方行山同露營，曾去過大東山及西貢等地露營，並用鏡頭記下大自然喺黑夜中嘅美態。今次展覽喺元朗錦田大江埔活機園有機農場CASA LOHAS嘅「G.U.T.S Camp有吉士露營市集2017」內舉行，想欣賞靚相同時親近吓大自然嘅市民，可以喺1月6號至8號，上午10點至下午5點期間免費入場參觀。