新聞類別
副刊
詳情#
【明報專訊】每踏入新一年，傳媒都會追蹤元旦第一B，而今年嘅第一B係一個「神B」，所以格外搶眼，皆因佢嘅爸爸姓「神」，網民除咗驚呼原來有「神」呢個姓氏之外，仲話要幫神B改個霸氣啲嘅神名，例如「神仙B」、「神經」同「神隊友」等等，連神爸爸都讚大家夠創意。
神B一出世就引起社會熱話，神爸爸噚日就代神B執筆，喺facebook回應網民。神B帖文先多謝神媽媽同醫療團隊嘅努力，又話「自己」喺元旦出世唔係刻意安排，而且咁啱投胎到神家，做元旦神B嘅機會率比中六合彩仲要低，不過佢都不忘「抱怨」神爸爸：「六合彩又唔見你中？」
話神爸神媽係「真香港人」
至於神B嘅大名呢，神爸爸神媽媽仍然未改好，不過由於私隱原因，以後都唔會向大家透露喇。神B最後澄清，話神爸爸神媽媽都係「真香港人」，神家亦冇收過任何贊助，例如奶粉同尿片等等，但就多謝當日探訪嘅記者曾經派利市畀神B。帖文一出，呃like度爆燈，唔少人恭喜神氏伉儷生咗個咁精靈嘅小朋友，仲有人留言話想食「神薑醋」
神B一出世就引起社會熱話，神爸爸噚日就代神B執筆，喺facebook回應網民。神B帖文先多謝神媽媽同醫療團隊嘅努力，又話「自己」喺元旦出世唔係刻意安排，而且咁啱投胎到神家，做元旦神B嘅機會率比中六合彩仲要低，不過佢都不忘「抱怨」神爸爸：「六合彩又唔見你中？」
話神爸神媽係「真香港人」
至於神B嘅大名呢，神爸爸神媽媽仍然未改好，不過由於私隱原因，以後都唔會向大家透露喇。神B最後澄清，話神爸爸神媽媽都係「真香港人」，神家亦冇收過任何贊助，例如奶粉同尿片等等，但就多謝當日探訪嘅記者曾經派利市畀神B。帖文一出，呃like度爆燈，唔少人恭喜神氏伉儷生咗個咁精靈嘅小朋友，仲有人留言話想食「神薑醋」
留言 (0)
