殘年將盡 大棠紅葉落

【明報專訊】2016年話咁快就過，聽日就踏入新一年，喺呢個送舊迎新嘅關頭，紅咗唔夠一個月嘅紅葉開始告別大棠，漁護署嘅紅葉指數噚日報告，部分紅葉已落下，想睇紅葉嘅話，就要把握最後機會。紅葉指數噚日報告楓葉處於紅至極紅，但特別加註釋話部分紅葉已落。


未來兩日係連假，據天文台預測，元旦大致多雲，後日都多雲，但部分時間有陽光，氣溫介乎18℃至23℃，睇嚟就唔算太凍，都適合郊遊賞楓。


漁護署提醒紅葉迷，目前至下月中，每逢周六、日及公眾假期，由上午7時至晚上7時，元朗大棠山道會實施交通管制措施，建議去大欖郊野公園盡量坐公共交通工具。