除夕倒數尖沙嘴搞街頭派對

【明報專訊】2017年快到，旅發局主辦嘅除夕倒數活動，今年會喺尖沙嘴碼頭一帶首設「街頭派對」，到時本港樂隊Supper Moment、歌手林奕匡等嘉賓會即場表演。煙花匯演亦「加碼」，由以往嘅8分鐘加長至10分鐘，合共8幕。


煙花匯演8分鐘增至10分鐘

旅發局節目及旅遊產品拓展總經理洪忠興預計，整個活動會吸引33萬人次到場，與舊年相若。製作費則由去年1300萬元增加到1500萬元，活動獲中銀香港冠名贊助。


洪忠興話，平日唔少市民一早就到尖沙嘴海旁，所以今年加設「街頭派對」，希望佢哋可以參加。至於唔少人期待嘅煙花匯演，歷時10分鐘，其間有「六星連環」圖案，6個星形圖案會「升上」天空；而「蝴蝶飛舞」圖案，就好似唔同顏色嘅蝴蝶喺空中飛舞。加上明年香港回歸20周年，煙花會營造出20響「海中禮炮」效果。為咗加強燈光效果，今年仲新增一隻燈光躉船