新聞類別
財經
詳情#
【明報專訊】結婚係人生大事，係人都想搞得好好睇睇，啲洗費通常都係新人倆口子自己負責返。投資者教育中心（IEC）先前就委託咗生活易，訪問咗1245位準新人，發現原來有成六成受訪者喺籌備婚禮嗰陣超支；而且雖然近乎全部人（98%）話會用自己同埋伴侶嘅積蓄，原來都有成22%話會同父母「伸手」，仲有小部分話會透過唔同渠道借錢添（見表）！
投資者教育中心總經理李博衛就話，明白每當談婚論嫁嗰陣，新人都想製造難忘嘅回憶，特別捨得洗錢，但係就忽略咗為人生嘅新階段做好長遠計劃，分分鐘搞到婚後負債纍纍。
講真，喺香港呢個乜都貴嘅社會，結婚就好似大出血咁，所以小琴都奉勸咁多位讀者，一定要為結婚做好財務規劃，如果唔係結完婚要捱騾仔還債嘅話，咁又何苦呢。
[小琴密語]
投資者教育中心總經理李博衛就話，明白每當談婚論嫁嗰陣，新人都想製造難忘嘅回憶，特別捨得洗錢，但係就忽略咗為人生嘅新階段做好長遠計劃，分分鐘搞到婚後負債纍纍。
講真，喺香港呢個乜都貴嘅社會，結婚就好似大出血咁，所以小琴都奉勸咁多位讀者，一定要為結婚做好財務規劃，如果唔係結完婚要捱騾仔還債嘅話，咁又何苦呢。
[小琴密語]
留言 (0)
