新聞類別
副刊
詳情#
【明報專訊】「消費者永遠是對的」呢句說話，以前多數用喺服務行業，譬如飲食業、零售業。但係唔知點解，呢句話近年已經無孔不入，甚至殺入教育界，令學校同老師經常人心惶惶。此話何解？皆因個個家長都覺得自己同仔女係消費者，學校同老師就係服務提供者，無時無刻都投訴一番！
上個月，香港教育工作者聯會公布一份問卷結果，逾500名中小學教師受訪者中，有四成表示曾遭投訴，更有人在不足三個月內被投訴三次。家長嘅投訴內容千奇百怪，除咗話功課多、教師賞罰不公外，有啲更非常無厘頭，例如讀幼稚園嘅女兒明明紮咗三手辮返學，放學返來竟由老師代紮成馬尾，家長就話老師咁樣係做事馬虎。
今日講出來，可能大家當笑話咁聽，但係呢啲投訴幾乎每日都發生。Mama嘅朋友係香港教育大學教育政策與領導學系助理教授倪紹強，佢本身係三間學校嘅校董，又做過小學校長，佢都話見過唔少家長投訴，包括投訴老師啦、學校合作伙伴啦，甚至寫信畀校董去投訴校長。
「社會出現投訴文化，因為大家都已經好清楚自己嘅權利，有啲人甚至覺得搞大件事，例如投訴給傳媒會更有效。其實有啲投訴係合理嘅，亦需要去處理，在學校來講，一般合理嘅具名投訴都應該去處理，有時候因為家長唔明白件事，只要同佢哋解釋番就解決。但如果係匿名，或者具針對、報復嘅投訴，校方就要更加小心處理。」
不過倪紹強補充，好多投訴個案其實好複雜，可能涉及唔同單位嘅個人利益、私心等等，所以唔係話簡單一兩句就可以擺平。即使投訴到校董耳邊，也應該釐清返成件投訴事件，到底有幾多水分喺裏面，再作適當處理。
Mama都戥老師慘，因為如果做乜都可能畀家長投訴，其實返工都幾大壓力。倪紹強話，教師本身工作壓力已經好大，所以遇有投訴事情，校董要去支援校長，校長就要支援老師，老師之間就要互相扶持。他認為站在學校立場，人人機會均等，各方都不應該因為投訴而受到特別待遇，「唔好因為家長投訴多啲，就畀佢多啲利益」。Mama都覺得呢句說話好啱聽，唔好以為濫用投訴就可以攞得多啲着數吖！
上個月，香港教育工作者聯會公布一份問卷結果，逾500名中小學教師受訪者中，有四成表示曾遭投訴，更有人在不足三個月內被投訴三次。家長嘅投訴內容千奇百怪，除咗話功課多、教師賞罰不公外，有啲更非常無厘頭，例如讀幼稚園嘅女兒明明紮咗三手辮返學，放學返來竟由老師代紮成馬尾，家長就話老師咁樣係做事馬虎。
今日講出來，可能大家當笑話咁聽，但係呢啲投訴幾乎每日都發生。Mama嘅朋友係香港教育大學教育政策與領導學系助理教授倪紹強，佢本身係三間學校嘅校董，又做過小學校長，佢都話見過唔少家長投訴，包括投訴老師啦、學校合作伙伴啦，甚至寫信畀校董去投訴校長。
「社會出現投訴文化，因為大家都已經好清楚自己嘅權利，有啲人甚至覺得搞大件事，例如投訴給傳媒會更有效。其實有啲投訴係合理嘅，亦需要去處理，在學校來講，一般合理嘅具名投訴都應該去處理，有時候因為家長唔明白件事，只要同佢哋解釋番就解決。但如果係匿名，或者具針對、報復嘅投訴，校方就要更加小心處理。」
不過倪紹強補充，好多投訴個案其實好複雜，可能涉及唔同單位嘅個人利益、私心等等，所以唔係話簡單一兩句就可以擺平。即使投訴到校董耳邊，也應該釐清返成件投訴事件，到底有幾多水分喺裏面，再作適當處理。
Mama都戥老師慘，因為如果做乜都可能畀家長投訴，其實返工都幾大壓力。倪紹強話，教師本身工作壓力已經好大，所以遇有投訴事情，校董要去支援校長，校長就要支援老師，老師之間就要互相扶持。他認為站在學校立場，人人機會均等，各方都不應該因為投訴而受到特別待遇，「唔好因為家長投訴多啲，就畀佢多啲利益」。Mama都覺得呢句說話好啱聽，唔好以為濫用投訴就可以攞得多啲着數吖！
留言 (0)
