聖誕樹點亮中環

【明報專訊】聖誕話咁快就到，為咗配合今年嘅「香港繽紛冬日節」，旅發局噚日為中環皇后像廣場嘅多棵聖誕樹舉行亮燈儀式，包括一棵15米高嘅大型聖誕樹，畀市民喺摩天大樓間感受冬日情懷同佳節氣氛，除咗可以寫上佳節祝願，情侶仲可以將愛情鎖扣喺會場特設嘅欄杆上，「鎖」住甜蜜一刻。聖誕樹會擺放至明年1月1日，旅發局話已特別安排「聖誕老人」喺指定日子同旅客及市民合照，今個月19至24日仲有小詩歌班，用悠揚歌聲送上佳節祝福。