橫琴創新方 吃喝玩樂齊晒

【明報專訊】麗新集團旗下豐德麗（0571）同麗豐（1125）合作搞嘅橫琴創新方，噚日開通咗個官方網頁可以畀大家先睹為快。佢哋話係創新方裏面嘅主題互動體驗中心獅門娛樂天地，可以畀入場者身臨《飢餓遊戲》、《吸血新世紀》、《分歧者》、《非常盜》、《埃及神戰》同《逃亡時計》6套戲嘅電影世界場面，睇嚟小琴嚟緊又有新嘢玩。


加設健康檢查美容中心

麗新話，項目仲有特色餐飲同零售店、婚慶體驗中心同場館，畀新人試吓喺具電影感嘅環境入面有新嘅體驗。大家亦可以做吓探險家，入去國家地理探索者場館，穿梭地球唔同角落。


將來係創新方入面，仲可以做埋健康檢查同美容，睇埋迷你演唱會同展覧。雖然橫琴遠咗啲，但第日港珠澳大橋通車，巴士可直驅橫琴。咁將來就唔使淨係去長隆一個場，仲有愈來愈多場可以過去遊玩啦！


[小琴密語]