民建聯議員再收「香港國」信 提「支那」

【明報專訊】繼早前民建聯葛珮帆（EQ）收到寫有「香港國」嘅信件後，類似神秘信件再現立法會。今次輪到黨友陳恒鑌同柯創盛收到，信件由日本寄出，內文寫住對「親支那」議員不惜製造流會，又提請「支那人民共匪國」釋法感到震怒。信件更聲稱，會對「支那」政權再度侵略，係意料中事。


呢封咁冒犯嘅信，當然即刻令兩名議員好扯火，柯創盛話，對發信者予以最強烈譴責，直斥係一派胡言！佢又強烈不滿，話郵政署竟然接納以「香港國」為寄信地址嘅信件，幫手郵送。