毅行者出發 牛牛齊起步

【明報專訊】一年一度嘅樂施會毅行者噚日朝早喺西貢北潭涌舉行起步禮，除咗5200個毅行者，現場仲嚟咗個不速之客。有一隻牛牛喺起步嗰陣一度跑向參加者嘅方向，見到人頭湧湧而受驚逃跑。後方毅行者就處變不驚，整裝待發。


毅行者真係要有牛一樣嘅體力，佢哋喺北潭涌出發，要喺48小時內完成約100公里長嘅麥理浩徑同埋連接路段，途中要跨越20幾座山，最後到達終點元朗大棠度假村，目標係為樂施會籌3500萬。