德領事館教「請您坐下」德文 楊岳橋：博登湖都抽乾

【明報專訊】一向緊貼時事嘅德國駐港總領事館噚日喺facebook專頁又推出「每週一字」，再次抽盡立法會水，今次就教大家「坐下」嘅德文係「sich setzen」（圖），仲用「請您坐下」做例句。網民隨即聯想到前日立法會大會上，立法會主席梁君彥要求一直坐喺度嘅公民黨楊岳橋（AY）「請你坐低」，並大讚德國領事館「靚抽」，仲建議不如將「每週一字」改成「每周一抽」。


AY：想學「一路都坐低緊」點講

AY都有喺facebook share呢個post，仲話「博登湖都抽乾」，又話想學埋「我一路都坐低緊」嘅德文點講，最後再抽多次水，「我驚下次我一路企緊起身佢又會請我企起身」。窒得咁應，難怪AY呢個post短短半日都有逾4000網民畀like同哈哈笑回應。