經民聯上市諮詢研討會 證監港交所代表零交流

【明報專訊】早排香港上市公司商會就搞咗一個公開論壇，邀請證監會同埋港交所（0388）派代表出席，一齊討論吓上市諮詢文件，不過就畀證監會同港交所「請食檸檬」，反而新交所就派人出席。不過輪到噚日由經民聯同埋立法會議員（金融界）張華峰搞嘅研討會，證監會、港交所同埋財經事務及庫務局，竟然派人出席，不過都只係派出「高級經理」級嘅代表，仲要全場「零交流」。


梁伯韜表遺憾

以投資者身分出席研討會嘅梁伯韜，就當然唔係咁開心喇，仲話對三位代表拒絕與在場人士交流感到遺憾添。不過坦白講呀，小琴覺得明知又係一場「鴻門宴」，去到又一定會畀人「圍攻」，仲點會派啲高層人士去呀，畀下面派三個靚女代表出席，都算係咁啦。


[小琴密語]