新聞類別
副刊
詳情#
【明報專訊】小一自行分配學位階段嘅申請啱啱截咗止，Mama身邊好多家長朋友，為咗小朋友報咩學校，諗到頭都大。但有啲家長更加頭痕，就係育有特殊學習需要（SEN）小朋友嘅家長，要考慮嘅嘢比一般家長多，最重要嘅一點，當然係學校有冇足夠支援畀SEN學童啦！
話說政府去年度撥咗一筆錢，資助本港部分中小學，推行特殊教育需要統籌主任（SENCo）試驗計劃，為期三年。獲資助嘅學校會開設SENCo職位，即係SEN專責教師，負責喺校內推行融合教學政策、及早識別同支援SEN學生。呢個計劃對SEN學童絕對係佳音，問題係，教育局以學校私隱為理由，拒絕透露邊間獲資助，換言之，想知道就要逐間學校查詢喇。
有家長每次去學校簡介會，都問校方有冇SENCo，不過唔係間間肯答。Mama同特殊學習需要家長協會主席戴雁容傾偈先知，原來唔少SEN學童嘅家長，搵學校都相當無助，佢仲話肯逐間學校問嘅家長，其實已經算進取，「大部分家長唔敢主動問，因為一問就等於揭示咗子女係SEN，怕減低取錄機會」。
於是家長唯有靠口耳相傳，喺討論區或者家長分享會交換學校情報，但變相大家都收到相同消息，試過一窩蜂湧去同一間學校報名。另一個方法就係聽社工同治療師意見，佢哋對學校SEN配套都有一定認識，但提供嘅資訊通常較舊。
如果入讀冇足夠支援嘅學校，校方最多只會安排「補底班」，幫SEN學童追番課堂進度，但社交訓練丶言語治療通通欠奉。戴雁容見過有自閉症學生升小一之後，因為唔適應而引發情緒問題，成日被投訴，「家長以為讀一間唔太催谷嘅學校就得，點知冇老師識處理SEN學童嘅情緒。結果家長要辭工，每日陪小朋友喺課室上堂」。
咁點樣避免揀錯學校呢？戴雁容話台灣融合教育嘅做法，相當值得參考。當地小朋友一經評估為SEN學童後，治療師會立即為佢開一個電子檔案，記錄每次治療詳情、跟進建議等。家長只要將電子檔案密碼話畀學校知，校方就會因應小朋友個別需要，提供相應配套措施，咁就可以提供最貼身嘅關顧同幫助啦！
話說政府去年度撥咗一筆錢，資助本港部分中小學，推行特殊教育需要統籌主任（SENCo）試驗計劃，為期三年。獲資助嘅學校會開設SENCo職位，即係SEN專責教師，負責喺校內推行融合教學政策、及早識別同支援SEN學生。呢個計劃對SEN學童絕對係佳音，問題係，教育局以學校私隱為理由，拒絕透露邊間獲資助，換言之，想知道就要逐間學校查詢喇。
有家長每次去學校簡介會，都問校方有冇SENCo，不過唔係間間肯答。Mama同特殊學習需要家長協會主席戴雁容傾偈先知，原來唔少SEN學童嘅家長，搵學校都相當無助，佢仲話肯逐間學校問嘅家長，其實已經算進取，「大部分家長唔敢主動問，因為一問就等於揭示咗子女係SEN，怕減低取錄機會」。
於是家長唯有靠口耳相傳，喺討論區或者家長分享會交換學校情報，但變相大家都收到相同消息，試過一窩蜂湧去同一間學校報名。另一個方法就係聽社工同治療師意見，佢哋對學校SEN配套都有一定認識，但提供嘅資訊通常較舊。
如果入讀冇足夠支援嘅學校，校方最多只會安排「補底班」，幫SEN學童追番課堂進度，但社交訓練丶言語治療通通欠奉。戴雁容見過有自閉症學生升小一之後，因為唔適應而引發情緒問題，成日被投訴，「家長以為讀一間唔太催谷嘅學校就得，點知冇老師識處理SEN學童嘅情緒。結果家長要辭工，每日陪小朋友喺課室上堂」。
咁點樣避免揀錯學校呢？戴雁容話台灣融合教育嘅做法，相當值得參考。當地小朋友一經評估為SEN學童後，治療師會立即為佢開一個電子檔案，記錄每次治療詳情、跟進建議等。家長只要將電子檔案密碼話畀學校知，校方就會因應小朋友個別需要，提供相應配套措施，咁就可以提供最貼身嘅關顧同幫助啦！
回應 (0)
