填色學災難 小學生話要三心兩意

【明報專訊】香港較少天災，市民一旦遇災未必識得應變。為培養學生對災難嘅警覺性，香港醫學專科學院轄下災難防護應變教研中心舉辦多媒體創作比賽，小學組金獎得主鄧麗莎認為，遇到災難應該「三心兩意」，即用心面對、觀察同對抗，仲要注意、留意身邊事物。


小學組填色比賽分為山泥傾瀉、水浸、颱風3個主題，參加者除咗填色，仲要寫一段文字，講吓點樣確保個人安全。主辦單位話今次有300幾人參賽，其中30人獲選為「防災小精英」，噚日公布比賽結果。銀獎得主楊民逸就話會熄咗唔用嘅電器，瞓覺時唔會充電。萬一有颱風，就唔會去海邊，確保安全。