新聞類別
財經
詳情#
【明報專訊】中證監最近批咗一批新IPO，其中一隻係大家都熟識嘅官媒《新華網》，換句話說，繼2012年《人民網》上市之後，內地A股又將多一隻「官媒股」。
睇番《新華網》招股文件，佢哋大股東係新華社，現持有88%股份，除咗新華社，文化產業基金、中聯通、南方報業、中電信都係股東，可以話清一色國企背景。
今次《新華網》打算集資15億人仔，不過睇番佢上市之路都幾唔順暢，其實《人民網》上市後，《新華網》早已經響2013年申請IPO，亦獲得中證監受理，但當時撞正IPO被叫停，結果拖拉到家先終於獲批。至於佢同行《人民網》上市呢4年表現？當年上市招股價20蚊人仔，掛牌首日曾爆升73%，咁噚日收市價？18.44蚊人仔，即係話跌穿招股價，潛水8%。
[小琴密語]
睇番《新華網》招股文件，佢哋大股東係新華社，現持有88%股份，除咗新華社，文化產業基金、中聯通、南方報業、中電信都係股東，可以話清一色國企背景。
今次《新華網》打算集資15億人仔，不過睇番佢上市之路都幾唔順暢，其實《人民網》上市後，《新華網》早已經響2013年申請IPO，亦獲得中證監受理，但當時撞正IPO被叫停，結果拖拉到家先終於獲批。至於佢同行《人民網》上市呢4年表現？當年上市招股價20蚊人仔，掛牌首日曾爆升73%，咁噚日收市價？18.44蚊人仔，即係話跌穿招股價，潛水8%。
[小琴密語]
回應 (0)
