李少光為容海恩「處女下海」

【明報專訊】身兼港區全國人大代表嘅保安局前局長李少光，噚日下晝親自去到烏溪沙，為新民黨新界東候選人容海恩拉票。李少光笑言自己今次係「處女下海」為候選人站台，仲話「只為容海恩（站台）」。


李少光讚揚容海恩係有抱負嘅年輕人，「應讓她上位」。佢話，見到近年香港嘅政治環境惡化，好多議員只顧拉布抗議，形容容海恩有能力，並且相當同意佢嘅政見，因此支持佢。


容海恩話，有重量級人物支持，希望支持度可以因此有進帳，有信心希望有好成績。不過，噚日好多新東嘅建制派候選人好快已經告急，會否擔心自己嘅票會流失？，容話「我哋都講咗告急好耐」，強調團隊「公民力量」已喺新東長時間服務，喺地區有穩定支持。容海恩仲話，希望可以用個人魅力同選民親身接觸，爭取更多支持。