民建聯4元老打牌拉票

【明報專訊】立法會選情激烈，點解民建聯4個唔再競逐連任嘅元老仲有時間打麻將嘅？原來陳鑑林（左下起順時針）、曾鈺成、葉國謙同譚耀宗係為年輕黨友拉票，邊打牌邊論政，拍片放上facebook。佢哋一路打牌一路讚民記嘅年輕候選人質素唔錯，其間陳鑑林投訴譚sir打得慢，譚sir就話「可能受拉布影響，乜嘢都會慢少少」。陳鑑林就接住講「咁打麻將就唔拉布喇！」講到呢度信息好清楚，佢哋梗係叫大家唔好選拉布嘅人啦。其他候選名單見附圖。