湯家驊牛一 港島候選人專程新東慶生

【明報專訊】嚟緊星期日就係立法會選舉，民主思路召集人湯家驊（Ronny）近日馬不停蹄為智庫兩個候選人拉票，不過噚日係Ronny 66歲「牛一」，佢都喺百忙中抽空，同十幾個智庫成員一齊喺沙田第一城慶祝生日，仲獲贈兩個大蛋糕。


8月尾往往係選舉衝刺階段，原來Ronny過去幾屆選舉都係喺第一城慶祝生日，今年亦唔例外，不過身分就由候選人變成「助選團」。Ronny噚日繼續喺港島同新界東拉票，而民主思路港島候選人亦專程走入第一城，同新東候選人齊齊參加呢場街頭生日會。港島同新東直選今年競爭激烈，民主思路兩個候選人黃梓謙及麥嘉晋支持率持續低迷，唔知Ronny嘅生日願望係咪兩人可以入議會呢。


過百人噚日亦喺Ronny嘅facebook留言祝賀，其中政府新聞統籌專員馮煒光就祝Ronny「生日快樂」。立法會選舉候選名單詳見A11。