真人伙卡通宣傳香港

【明報專訊】經濟發展委員會噚日推出咗最新嘅短片（圖）宣傳，介紹香港當下嘅優勢機遇，同埋委員會對本地產業多元化嘅各種建議。以前唔少人可能會覺得政府宣傳片保守又沉悶，但今次委員會透過招標搵咗一間本地新晉設計公司，用輕鬆又正面嘅手法，以卡通配合真人，去令市民了解香港嘅優勢。委員會將推出一共5條短片，據知5條片用了百多萬製作，下星期會有第二條片，並且更加創新。商經局長蘇錦樑亦係facebook推介呢啲宣傳片。