唐家成﹕證監不要人人愛

【明報專訊】一個上市監管架構諮詢，掀起各方群起圍攻證監會，不過證監會主席唐家成就繼續淡定。話說唐家成先前接受香港會計師公會刊物訪問，就話市場上有人支持有人反對，其實好正常，但係作為監管機構，證監會嘅責任係確保市場正常運作，同埋保障投資者，而唔係要受人喜愛；仲話如果人人都讚頌證監會偉大、人人都愛證監嘅話，反而會有人質疑證監會「有冇做好份工」。


唐家成亦都再次重申，現行架構已經行咗好耐，但市場已經變咗好多，證監會同港交所（0388）都認為需要作出改變；喺新架構之下，上市決策嘅效率可以提高，亦可以釋除市場對港交所喺利益衝突方面嘅憂慮，同時又強調證監會嘅權力冇擴大，上市委員會將會繼續審批大部分申請。


[小琴密語]