旅發局新招吸客 文化中心3D光雕 拍一拍隨你轉效果

【明報專訊】澳洲舞者穿發光衣領舞

為咗吸引旅客，旅發局今日起推出新一輪3D光雕匯演「閃躍維港」。匯演喺尖沙嘴香港文化中心露天廣場上演，結合3D投影技術、60組燈光同音響效果，喺維港夜景襯托下刺激市民同旅客嘅感官。唔想得個睇字？露天廣場嘅水池位置仲有互動遊戲，只要用手拍一拍熒幕，文化中心外牆就會出現不同效果，齊齊輕鬆吓。


DJ與激光表演映襯維港夜景

旅發局又邀請嚟自澳洲嘅跳得之人，著發光舞衣領舞；另有DJ表演同激光效果。如果想背景音樂更加強勁，可以下載「閃躍維港」主題音樂手機應用程式收聽。匯演由今晚起到8月28日、11月25日至12月28日，每晚演出4場（8時20分、8時45分、9時15分同9時45分），每場約8分鐘。


匯演期間嘅「天星小輪維港遊」航線亦會在文化中心附近留耐啲，希望乘客有更充足時間欣賞節目。