券商稱推AI手機程式

【明報專訊】市面上唔少企業都話要發展人工智能，8 Securities都唔執輸，話即將喺香港推出亞洲首個機器人投資顧問手機程式「Chloe」。呢個程式號稱可以睇穿人性嘅弱點，會偵測到啲客違反理性、心理偏見同埋恐懼等等，仲會計算呢啲弱點，點樣影響投資決定；之後Chloe就會協助客戶避開呢啲弱點，等大家都可順利完成唔同既願望，仲會不斷改善用戶嘅投資目標和投資組合建議。


講到呢度，大家唔好以為呢啲高科技人工智能嘅嘢係遙不可及，皆因今次呢個Chloe最低投資額只需1000元，已經可以用到，客仔仲可以隨時喺佢嘅投資組合拎錢同入錢，而毋須任何罰款；仲講到明客仔只要畀低過其他傳統投資顧問服務嘅固定月費就可以用，一概無額外交易費或者隱藏費用