政府打風post 提「李氏力場」

【明報專訊】颱風「妮妲」襲港，政府新聞處噚日就喺facebook專頁「溫馨提示」市民留意天氣預報，但最後一句「李氏力場今次會唔會發揮作用呢？」就引起網民熱議，有人話「官方承認官商勾結」，亦有人笑專頁管理員唔知咩叫「李氏力場」，引發公關災難，有網民就留言話「Admin你搵定第二份工都得嘞」。


唔少市民喺打風時想放假，好自然會埋怨天文台點解唔喺「適當時候」掛8號風球，搞到市民要照常返工返學，於是就創作出「李氏力場」呢個用語，質疑天文台係咪偏重商界利益，仲燒埋去首富李嘉誠，話李氏力場比颱風更犀利喎。