新聞類別
財經
詳情#
【明報專訊】政客都鍾意叫口號，尤其係生長於現代中國社會嘅政客，所以當筆者聽到梁特喺立法會答問會批評議員只叫口號不做實事，筆者真係要借用佢老哥嘅名言「有時真係忍唔住笑」。要數近年最空洞、最令人「忍唔住笑」嘅政治口號，筆者會選兩個，首選係「沒有唐營、梁營，只有香港營」，另一個就係就快連街市賣菜阿嬸都識講嘅「創新」。
政客叫口號係常態，但最弊就係個口號改得肉酸，好似阿爺將「創新、創業」改做「雙創」，筆者次次都聽咗做「傷創」甚至「創傷」，或許因為呢點，有人就改叫「三創」，在「創新」同「創業」之外加上「創意」，明知後者意思重疊，但起碼唔會變咗「創傷」。
梁特要實現佢嘅創新口號，就係成立創新科技局，大家都記得佢喺立法會同反對派打咗場大交，但其他內容係乜，sorry，暫時無人講得清楚，係FinTech、Robotics、AI、定係生物科技……相信連佢自己都唔太清楚。無錯，佢喺今年施政報告公布要成立幾個基金推動創新科技，但說穿其實都係派錢伎倆，由「講咗當做咗」提升至「使咗錢當做咗」嘅層次。
好蹺自能善價而沽
只要了解市場都會知道，目前環球的初創企業環境，欠缺的絕對唔係資金，真正渴市嘅係好嘅idea，只要有好蹺，自然能夠善價而沽，而搵唔到錢嘅project，一定好打有限，無計可施之下唯有去搵政府笨，政府成立了基金當然要搵項目投資，最終結局可想而知，納稅人的血汗錢，又要被無腦政府倒落海。
引迷債為例 稱「你情我願」
講開創科局，一定要提吓佢嘅局長阿Nick，呢位「我見過，真係見過」Steve Jobs嘅人兄，業內人所共知口沒遮攔，最鍾意就係自居紅酒專家，當眾表演Blind Tasting。筆者唔識飲紅酒，但每次聽到佢講紅酒，都覺得佢應該去品酒而唔應該做官，大家日子都應該會好過啲。
最近，筆者又有老友見證佢當眾噴口水，話說早前美國商會請咗佢到午餐會做嘉賓，人數雖然只有十多二十人，但出席嘅都係美資科技公司同金融機構嘅代表，部分仲係區域阿頭，分量唔細。話說當時有人提出，香港發展FinTech係咪落後，呢位問責團隊嘅成員，直接公開批評佢三個同事﹕鬍鬚曾、傻強同金管局嘅攞命陳，話佢哋做事保守，只係懂得搬出要「保護投資者同消費者」作為藉口，仲引用當年雷曼迷債做例子，話當年有買迷債嘅人都係自願去投資，即「你情我願」，政府要保護佢哋就收緊監管就等如阻礙創新云云。據知現場出席者見佢公然批評其他官員，立即鴉雀無聲，無人敢插嘴，氣氛如何可想而知。
反映梁特班子關係
筆者不討論佢嘅觀點，佢當日嘅一番言論，半公開批評（當日沒有傳媒在場）同事「阻住地球轉」，相信很能反映梁特如何看待財金系統官員，特區班子目前又有多團結。當梁特日前公開讚賞司局長工作積極，佢感到「非常欣慰」，筆者聽罷又再一次「忍唔住笑」，但對於梁特下屆一旦連任，他的班子成員面目將會如何，就一啲都笑唔出。
[應正亮 廿四味]
政客叫口號係常態，但最弊就係個口號改得肉酸，好似阿爺將「創新、創業」改做「雙創」，筆者次次都聽咗做「傷創」甚至「創傷」，或許因為呢點，有人就改叫「三創」，在「創新」同「創業」之外加上「創意」，明知後者意思重疊，但起碼唔會變咗「創傷」。
梁特要實現佢嘅創新口號，就係成立創新科技局，大家都記得佢喺立法會同反對派打咗場大交，但其他內容係乜，sorry，暫時無人講得清楚，係FinTech、Robotics、AI、定係生物科技……相信連佢自己都唔太清楚。無錯，佢喺今年施政報告公布要成立幾個基金推動創新科技，但說穿其實都係派錢伎倆，由「講咗當做咗」提升至「使咗錢當做咗」嘅層次。
好蹺自能善價而沽
只要了解市場都會知道，目前環球的初創企業環境，欠缺的絕對唔係資金，真正渴市嘅係好嘅idea，只要有好蹺，自然能夠善價而沽，而搵唔到錢嘅project，一定好打有限，無計可施之下唯有去搵政府笨，政府成立了基金當然要搵項目投資，最終結局可想而知，納稅人的血汗錢，又要被無腦政府倒落海。
引迷債為例 稱「你情我願」
講開創科局，一定要提吓佢嘅局長阿Nick，呢位「我見過，真係見過」Steve Jobs嘅人兄，業內人所共知口沒遮攔，最鍾意就係自居紅酒專家，當眾表演Blind Tasting。筆者唔識飲紅酒，但每次聽到佢講紅酒，都覺得佢應該去品酒而唔應該做官，大家日子都應該會好過啲。
最近，筆者又有老友見證佢當眾噴口水，話說早前美國商會請咗佢到午餐會做嘉賓，人數雖然只有十多二十人，但出席嘅都係美資科技公司同金融機構嘅代表，部分仲係區域阿頭，分量唔細。話說當時有人提出，香港發展FinTech係咪落後，呢位問責團隊嘅成員，直接公開批評佢三個同事﹕鬍鬚曾、傻強同金管局嘅攞命陳，話佢哋做事保守，只係懂得搬出要「保護投資者同消費者」作為藉口，仲引用當年雷曼迷債做例子，話當年有買迷債嘅人都係自願去投資，即「你情我願」，政府要保護佢哋就收緊監管就等如阻礙創新云云。據知現場出席者見佢公然批評其他官員，立即鴉雀無聲，無人敢插嘴，氣氛如何可想而知。
反映梁特班子關係
筆者不討論佢嘅觀點，佢當日嘅一番言論，半公開批評（當日沒有傳媒在場）同事「阻住地球轉」，相信很能反映梁特如何看待財金系統官員，特區班子目前又有多團結。當梁特日前公開讚賞司局長工作積極，佢感到「非常欣慰」，筆者聽罷又再一次「忍唔住笑」，但對於梁特下屆一旦連任，他的班子成員面目將會如何，就一啲都笑唔出。
[應正亮 廿四味]
留言 (0)
