領展搵譚仔三哥講生意經

【明報專訊】領展（0823）噚日搵來譚仔三哥米線嘅三哥譚澤群同六弟譚澤強，開咗個商戶學堂，講吓營商秘笈。據佢兩兄弟講，做生意唔可以單一元素就可以生存，仲要考慮埋價錢合唔合理、食物分量、用料同選材啲客受唔受落。佢最終由2008年唔夠十間分店，短短8年內開到51間分店，其中仲有7間喺領展嘅場開。就算家消費市道麻麻，佢哋喺今年仍會喺香港開多3至4間舖，長遠會喺大中華市場發展，不過就無計劃上市。最近翠華（1314）賣盤，佢哋話屬個別事件，應該同香港經濟無直接關係。


做生意不只考慮單一元素

譚仔三哥佢哋又講，最好生意嘅舖原來係黃大仙中心同逸東商場，喺番領展場。據講，始終同佢哋走大眾路線，衣食住行係必須品之一，商場客流穩定有關。兩間譚仔已穩佔香港米線市場，不過三哥同六弟講，仲有得擴展，佢哋有7至8款湯底，就快有第9款面世。


[小琴密語]