國泰奪「最清潔機艙獎」

【明報專訊】英國顧問公司Skytrax早排公布咗2016年全球最佳航空公司嘅評選結果，國泰（0293）自去年由「狀元」跌落至「探花」後，今年又「再接再厲」跌出三甲，變成「梗頸四」，而姊妹港龍跌得仲慘，排名下滑4位到第22名，連Top 20都入唔到。


跌出三甲 中東公司包辦頭兩名

睇番國泰嘅往績，從兩年前嘅全球最佳，到舊年變成泛太平洋最佳，再到今次剩係得到個「最清潔機艙環境獎」，真係好似有幾分「淒涼」，不過今年被評為「最佳頭等艙候機室」，亦都算小小安慰，但就唔知未來國泰貴賓室嘅服務質素，會唔會因為換走咗半島嘅班底而受到影響。


今年最大嘅贏家要算同國泰對撼地區航線生意嘅中東航空公司，頭兩名就由阿聯酋航空同卡塔爾航空包辦，而第三名就係落到今年亞洲最佳嘅新加坡航空手上。


[小琴密語]