新聞類別
財經
詳情#
【明報專訊】有地產狂人之稱嘅融創（1918）主席孫宏斌，曾經當住萬科（2202）董事長王石嘅面，立下「趕超萬科，做地產老大」嘅豪言壯語，當時被王石嗤之以鼻。點知風水輪流轉，萬科股權爭奪戰令王石焦頭爛額，甚至有被踢出局嘅危險，孫宏斌就加把口踩多腳，話如果王石真係不幸失業要「食自己」，佢自己首先出1億元畀佢再創業喎。
有媒體報道，孫宏斌喺融創合肥品牌活動期間話：「喺社會混（即係出得嚟行），最恨『情懷』，因為『情懷』無標準；第二，要少說話，說多就係弱智了。」句句有骨，點睇都好似諷刺緊王石咁。不過佢補充，自己支持萬科管理層，話「有啲腦」都唔會去換管理層，「如果萬科團隊出去創業，我願意投資一個億！」
回想萬科股權之爭啱啱開戰時，孫宏斌話自己好欣賞萬科管理層，但冇考慮過買萬科，因為太貴。如果真可以只用1億就買到一隻新萬科，咁又真係幾抵喎！
email: piano@mingpao.com
[小琴密語]
有媒體報道，孫宏斌喺融創合肥品牌活動期間話：「喺社會混（即係出得嚟行），最恨『情懷』，因為『情懷』無標準；第二，要少說話，說多就係弱智了。」句句有骨，點睇都好似諷刺緊王石咁。不過佢補充，自己支持萬科管理層，話「有啲腦」都唔會去換管理層，「如果萬科團隊出去創業，我願意投資一個億！」
回想萬科股權之爭啱啱開戰時，孫宏斌話自己好欣賞萬科管理層，但冇考慮過買萬科，因為太貴。如果真可以只用1億就買到一隻新萬科，咁又真係幾抵喎！
email: piano@mingpao.com
[小琴密語]
回應 (0)
