立選表格有得攞 要簽聲明效忠特區

【明報專訊】立法會選舉提名期下個月16號先開始，但選舉管理委員會已經將直選、超級區議會同功能組別選舉嘅提名表格上載網上，同時，提名表格亦已經可以喺各區民政事務處索取。所謂「執輸行頭慘過敗家」，Emily聽聞有啲計劃參選嘅政黨中人已經走去拎定表格填。


每份表格都有至少三四十頁要填寫，相信都要花啲時間。提名表格上原來都有要求候選人簽署聲明，表明「特此聲明，我會擁護《基本法》和保證效忠香港特別行政區」。現時已有多個本土和港獨組織表明有意參選，選舉期間相信又有一輪關於宣傳品上「自決」、「港獨」字眼嘅爭拗，唔知屆時佢哋又會有咩勇武對策去處理以上嘅聲明喇。