花展攝影賽佳作

【明報專訊】一年一度嘅香港花卉展覽3月喺維多利亞公園順利完成，如果錯過咗花展，仍可以透過攝影展，睇番當時嘅靚人靚景。花展辦嘅「花薈藝萃」攝影比賽剛完成評審，大會今年收到4800件作品，優勝作品喺九龍公園拱廊展出，展覽期至7月15日，有興趣嘅市民可以免費參觀。


攝影賽分3組，分別係「花卉攝影」、「花絮攝影」、「無綫電視藝員及香港小姐造像攝影」嘅公開組同學生組，Emily睇過得獎相片，港姐冠軍麥明詩都出現喺公開組同學生組嘅三甲，想知佢同啲花有幾靚，可以去九龍公園睇吓！圖中係攝影比賽「花卉攝影組」嘅冠軍作品，得獎者係馬海濱。