懲教學員結業求婚 Will You Marry Me？

【明報專訊】噚日係懲教署學員結業會操嘅大日子，個個學員喺咁熱嘅日子著住長袖衫褲嘅制服，都依然步操得咁整齊，Emily佩服之餘都替佢哋辛苦。會操之後，Emily見到學員同家人影相之際，忽然聽到一陣起哄聲，原來有人趁住結業會操日子向女朋友求婚。


Emily見到一個著白色禮服嘅儀仗隊員，攞住一大束藍色玫瑰，同一大紮粉紅色、白色嘅氣球，上面仲寫住「Will You Marry Me？」，送畀企喺隔離嘅女朋友。女朋友收到花同氣球之後，男仔就跪低攞出戒指求婚，旁邊嘅人不斷起哄炒熱氣氛，女朋友好快就答應，兩人仲即刻親熱一下，認真浪漫。


Emily睇見兩人可以拉埋天窗，都畀佢哋感動到，就喺呢度祝福佢哋永結同心，共諧連理。