CY林鄭譚志源齊齊放大假

【明報專訊】可能因為預見未來有連場選舉有排忙，呢個月高官齊齊放假，搞到政府似乎都幾真空。除咗特首梁振英今日起開始放10日大假，政務司長林鄭月娥、政制及內地事務局長譚志源都會休假超過兩星期。林鄭月娥今個月15日開始會離港休假，由勞工及福利局長張建宗署理政務司長，直到30日。其實譚志源前日端午節已經搶閘開始放假，要到月尾27日先返來，由副局長陳岳鵬署理局長。不過佢哋放得都唔算多，根據噚日憲報，保安局常任秘書長羅智光會喺7月3日放到8月3日先返工，休足一個月。


多個司局長接連離港公幹，創新科技局長楊偉雄噚日啱啱返港，財經事務及庫務局長陳家強聽日就會出發到上海，出席2016陸家嘴論壇，啱啱喺北京返嚟嘅環境局長黃錦星後日又會再離港。