新聞類別
財經
詳情#
【明報專訊】香港人買嘢出名精打細算，從網民喺網上平台分享各種搶平價機票攻略可見一斑！線上預訂旅遊服務平台Expedia東北亞區總經理蘇嘉媛透露，喺香港、台灣及韓國3個市場入面，公司會員積分計劃Expedia+喺香港嘅滲透率係最高，即係話，相比韓國同台灣人，香港人最鍾意著數！
愛「格價」 預早訂機票酒店
雖然香港打工仔平日忙碌，但講到預訂機票酒店一定有早冇遲！根據Expedia統計數字，香港人平均喺出發前35日已經預訂酒店；韓國人就最傾向last minute預訂，近33%嘅韓國顧客出發前6日先訂酒店；台灣同香港分別各有23%同28%。
蘇嘉媛就話，其實呢個現象係有得解釋嘅，因為台灣同韓國人比較鍾意本地遊（Domestic Travel）；相反，港人就好少本地度假，預訂本地酒店只佔整體酒店2.5％，加上近年短線機票價格下跌及航點愈嚟愈多，港人寧願選擇境外遊。計劃境外遊所花費嘅時間，往往比本地遊長，加上愈早預訂，價錢愈平是常識吧！熱愛折扣優惠嘅港人梗係會盡早預計啦！
針對港人愛「格價」嘅特性，Expedia發現，港人好鍾意花時間嘗試唔同機票、酒店嘅配搭，務求搵到最抵價格，即使同一目的地、同一航空公司、但唔同旅遊日子，價錢都可以差好遠，根據數據顯示，港人平均要瀏覽2至4次Expedia，先會真正畀錢預訂！所以，Expedia嚿年就推出Scratchpad（便條簿）功能，幫用戶記低晒「格價」戰績，遇到限時超平優惠，自然可以快人一步啦 ！
email: piano@mingpao.com
[小琴密語]
愛「格價」 預早訂機票酒店
雖然香港打工仔平日忙碌，但講到預訂機票酒店一定有早冇遲！根據Expedia統計數字，香港人平均喺出發前35日已經預訂酒店；韓國人就最傾向last minute預訂，近33%嘅韓國顧客出發前6日先訂酒店；台灣同香港分別各有23%同28%。
蘇嘉媛就話，其實呢個現象係有得解釋嘅，因為台灣同韓國人比較鍾意本地遊（Domestic Travel）；相反，港人就好少本地度假，預訂本地酒店只佔整體酒店2.5％，加上近年短線機票價格下跌及航點愈嚟愈多，港人寧願選擇境外遊。計劃境外遊所花費嘅時間，往往比本地遊長，加上愈早預訂，價錢愈平是常識吧！熱愛折扣優惠嘅港人梗係會盡早預計啦！
針對港人愛「格價」嘅特性，Expedia發現，港人好鍾意花時間嘗試唔同機票、酒店嘅配搭，務求搵到最抵價格，即使同一目的地、同一航空公司、但唔同旅遊日子，價錢都可以差好遠，根據數據顯示，港人平均要瀏覽2至4次Expedia，先會真正畀錢預訂！所以，Expedia嚿年就推出Scratchpad（便條簿）功能，幫用戶記低晒「格價」戰績，遇到限時超平優惠，自然可以快人一步啦 ！
email: piano@mingpao.com
[小琴密語]
留言 (0)
