新聞類別
副刊
詳情#
【明報專訊】Lancome風波愈燒愈烈，立法會唔少女議員平日都會化靚妝開會，民建聯議員蔣麗芸（Ann姐）噚日喺立法會都被記者問平日用開邊隻化妝品，Ann姐話最近咁啱用緊Maybelline New York嘅粉餅。Maybelline New York係Lancome旗下產品之一，Ann姐話經常轉換化妝品，唔會用特定牌子，平日去街見到啱就會買。對於Lancome風波，Ann姐用4個字笑笑口回應，「商業決定」，唔敢評論太多。
Ann姐稱事件「商業決定」
幫港出聲召集人周融就不吝嗇表態，話何韻詩要「食得鹹魚抵得渴」，質疑對方喺香港唔係政治領袖，但早前都同西藏流亡領袖達賴喇嘛會面，形容何韻詩「或者希望將自己聲名提升到一個國際水平」，相信對方今次事件畀《環球時報》點名，係因為曾經獲達賴喇嘛接見。
正義聯盟李偲嫣都加把口，以顧客身分證明Lancome產品效果好，叫大家支持「萊雅」，仲話「我一直是此品牌的用家，產品亦十分好的！（Loreal 及Lancome )十分好的產品! 」Lancome得到周融及偲嫣兩大名人出口，唔知會唔會幫到佢提升形象呢？
Ann姐稱事件「商業決定」
幫港出聲召集人周融就不吝嗇表態，話何韻詩要「食得鹹魚抵得渴」，質疑對方喺香港唔係政治領袖，但早前都同西藏流亡領袖達賴喇嘛會面，形容何韻詩「或者希望將自己聲名提升到一個國際水平」，相信對方今次事件畀《環球時報》點名，係因為曾經獲達賴喇嘛接見。
正義聯盟李偲嫣都加把口，以顧客身分證明Lancome產品效果好，叫大家支持「萊雅」，仲話「我一直是此品牌的用家，產品亦十分好的！（Loreal 及Lancome )十分好的產品! 」Lancome得到周融及偲嫣兩大名人出口，唔知會唔會幫到佢提升形象呢？
留言 (0)
