康宏：美加息慢 可考慮「儲蓄2.0」

【明報專訊】康宏早排做咗個調查，話家香港人嘅投資理財態度都已經Out晒，好多人淨係識儲錢儲錢再儲錢，或者只鍾意買股票，仲話其實除咗儲蓄同埋呢排又開始搶購嘅iBond之外，香港仲有好多投資工具可以畀投資者揀。


逾六成人僅增加儲蓄

康宏搵咗差唔多1000個受訪者，但其中大約有六成人覺得今年唔係入市時機，就算要入市都係買股票；而有66.4%嘅人話只會增加儲蓄。康宏就話，其實美國加息咁慢，定存都唔係財富增值嘅最佳方法啫。所以除咗唔買股票揸現金或者儲錢，都建議大家可以考慮下所謂「儲蓄2.0」呢個概念，即係結合儲蓄同埋投資兩樣嘢嘅儲蓄理財產品，例如儲蓄保險計劃、保險年金、企業債券或者債券基金，呢類風險低而波幅又唔係咁高嘅產品，都同樣可以幫大家實現「保本增值」嘅理財目標咁話。


[小琴密語]