便服日善款最多機構 匯豐冧莊

【明報專訊】公益金每年都舉辦便服日，相信唔少讀者都參加過，噚日公益金就舉辦2015年度公益金便服日支票遞交儀式及頒獎禮，政務司長林鄭月娥（中）頒獎畀最高籌款機構，其中籌得最多款項嘅係匯豐銀行，已經連續幾年係籌得最多善款嘅機構，其次就係恒生銀行、長江集團等。至於政府部門方面，便服日中籌得最多錢嘅係法律援助署，其次係公務員事務局同審計署。