「吃下不應吃的食物」 李嘉誠多休息3日

【明報專訊】全國人大委員長張德江昨日訪港，港府嚴陣以待，委員長話今次訪港要「看、聽、講」，雖然唔知道一班城中大孖沙會否係看、聽、講嘅對象，但就算真係見，「超人」李嘉誠都未必去到。


上星期已告病假並缺席股東會嘅長和主席李嘉誠，噚日有傳再請多幾日病假。Emily向長和發言人查詢，確認「超人」周一曾經回公司「打個白鴿轉」，但其間因吃下不應該吃的食物，需多休息兩至三天。咁啱張德江訪港就係得3日時間，周四離港，Emily都有問發言人誠哥會唔會同張委員長見面，發言人就話唔清楚。


不過，Emily覺得呢幾日灣仔處處封路，附近金鐘同中環都有塞車，如果抱病在身，誠哥都係留喺屋企休息好過。