新聞類別
副刊
詳情#
【明報專訊】跟Mama同輩嘅閨中密友，大部分都已為人母，好多人都話，有小朋友，婚姻生活會更加幸福美滿；但實情係，成班姊妹聚頭，經常呻到樹葉都落，都話有咗仔女之後，反而同老公嗌霎多咗。有個剛添丁嘅姊妹就最激動，話覺得嫁錯郎，好想離婚。當初係老公叫佢生BB，但生完之後，老公就經常蹺埋雙手、闊佬懶理咁款，無話識得主動幫下個老婆，乜都係踢一腳先郁一郁，激到我呢位姊妹紮紮跳。
睇清老公蹺埋手原因
坦白講，呢啲感受Mama又點會唔明白吖。有時都會諗，點解大家都係第一次做爸爸、媽媽，女人總係好快適應、上手，但男人（絕大部分）就永遠成嚿飯咁，唔通呢啲真係所謂天生嘅母性？
香港家庭福利會註冊社工謝美華話，上述問題好普遍，佢亦處理過唔少相關個案。謝姑娘先安撫天下媽媽，女人由懷孕一刻，已經好實在咁做緊媽媽呢個角色，BB喺佢肚裏面郁動，只有媽媽先感受得到，所以行路、飲食會小心啲，亦會周不時同肚裏面嘅BB傾偈，但喺呢方面，爸爸就相對輸蝕，因為佢哋確實少咗10月懷胎呢個經歷。因此，女人湊細路易啲上手，加上母性使然，其實係有原因。
的而且確，好多老婆做咗媽媽之後變成「怨婦」。謝姑娘一矢中的指出，原因係好多婦女心中都帶住期望，期望老公放工返屋企之後，會主動幫手照顧下細路。好可惜，好多男人未必意識到老婆有呢個期望，又或者覺得，照顧仔女嘅工作一向都係老婆做開，又做得好好，所以無謂插手。當然，亦唔排除人有惰性，放工後梗係想唞唞、玩下手機。咁嘅情况下，婦女嘅期望得不到滿足，怨氣愈積愈多，就好容易對住老公「黑面」、發脾氣。
謝姑娘建議媽媽們，不妨向老公打開心窗說亮話，將你心底嘅期望，直接話畀佢聽，亦可講清楚工作嘅分配，例如BB仲細，就傾下邊個負責同佢冲涼、餵奶、執去街袋等嘅問題；如果細路已入學，就可以傾下邊個負責檢查功課、執書包、講故事等等。最重要，媽媽要學懂放手，唔好乜都攬上身，如果爸爸肯嘗試去做，即使有甩漏，媽媽都要欣賞及肯定對方嘅努力；相反，若再諸加挑剔的話，只令對方泄氣，下次更加唔敢亦唔願意幫手。
謝姑娘又語重心長提醒，做媽媽嘅，唔好忽略自己仲身兼老婆嘅角色，同樣，做爸爸嘅，亦有老公嘅身分，一段婚姻，係要花好多心思去維繫，無論如何，兩公婆每星期都應該要有一段獨處拍拖嘅時間，千祈唔好畀仔女成為破壞你哋美滿婚姻嘅「小三」！
睇清老公蹺埋手原因
坦白講，呢啲感受Mama又點會唔明白吖。有時都會諗，點解大家都係第一次做爸爸、媽媽，女人總係好快適應、上手，但男人（絕大部分）就永遠成嚿飯咁，唔通呢啲真係所謂天生嘅母性？
香港家庭福利會註冊社工謝美華話，上述問題好普遍，佢亦處理過唔少相關個案。謝姑娘先安撫天下媽媽，女人由懷孕一刻，已經好實在咁做緊媽媽呢個角色，BB喺佢肚裏面郁動，只有媽媽先感受得到，所以行路、飲食會小心啲，亦會周不時同肚裏面嘅BB傾偈，但喺呢方面，爸爸就相對輸蝕，因為佢哋確實少咗10月懷胎呢個經歷。因此，女人湊細路易啲上手，加上母性使然，其實係有原因。
的而且確，好多老婆做咗媽媽之後變成「怨婦」。謝姑娘一矢中的指出，原因係好多婦女心中都帶住期望，期望老公放工返屋企之後，會主動幫手照顧下細路。好可惜，好多男人未必意識到老婆有呢個期望，又或者覺得，照顧仔女嘅工作一向都係老婆做開，又做得好好，所以無謂插手。當然，亦唔排除人有惰性，放工後梗係想唞唞、玩下手機。咁嘅情况下，婦女嘅期望得不到滿足，怨氣愈積愈多，就好容易對住老公「黑面」、發脾氣。
謝姑娘建議媽媽們，不妨向老公打開心窗說亮話，將你心底嘅期望，直接話畀佢聽，亦可講清楚工作嘅分配，例如BB仲細，就傾下邊個負責同佢冲涼、餵奶、執去街袋等嘅問題；如果細路已入學，就可以傾下邊個負責檢查功課、執書包、講故事等等。最重要，媽媽要學懂放手，唔好乜都攬上身，如果爸爸肯嘗試去做，即使有甩漏，媽媽都要欣賞及肯定對方嘅努力；相反，若再諸加挑剔的話，只令對方泄氣，下次更加唔敢亦唔願意幫手。
謝姑娘又語重心長提醒，做媽媽嘅，唔好忽略自己仲身兼老婆嘅角色，同樣，做爸爸嘅，亦有老公嘅身分，一段婚姻，係要花好多心思去維繫，無論如何，兩公婆每星期都應該要有一段獨處拍拖嘅時間，千祈唔好畀仔女成為破壞你哋美滿婚姻嘅「小三」！
留言 (0)
