基層婦「手作」領帶變手袋 歡迎訂做

【明報專訊】「手作仔」唔係文青專利，Emily聽講，社企「愛連心 Les Beatitudes」舊年中開始教婦女整手袋，家有40幾名基層婦女「手作人」。佢哋一針一線將回收領帶改頭換面，化成高檔手袋同皮革產品，唔止喺最近落戶中環PMQ，今日開始仲會喺會展「香港．設計廊」搞小展覽，令更多人認識佢哋嘅才華。


「愛連心」婦女每花兩小時製作一個小化妝袋，可掙約70元，唔少婦女都「讚好」，話工時彈性，可以喺屋企製作。今次櫥窗展覽就用小小空間模仿家中劏房嘅陳設，狹小家中放有衣車。


創辦人梁倩亙伙拍設計師馬穎言同陳美黛，希望設計產品畀基層婦女如昔日般在家「車衣」，不過原來家好多基層住劏房，連衣車都放唔落，團體最後諗到回收領帶，改造成小手袋、八達通套同酒杯環等，衣車放深水埗社區組織協會共用，婦女縫布後，喺屋企用針線完成餘下工序。


梁倩亙話，曾聽到唔少男士希望參與推動婦女事務，但缺乏平台，於是諗出用領帶做手袋材料，等有心男士都可以捐出領帶，出一分力。讀者想捐呔或訂做產品，可電郵Enquiry@LBAltd.com。