助弱勢社群 中電再推「全城過電」

【明報專訊】中電辦「全城過電」計劃，參加用戶喺6至8月每慳一度電，中電就會捐一度電畀弱勢社群。呢個計劃舊年有20萬中電住宅用戶參加，共慳到950萬度電，相等於2000個住宅家庭一年嘅用電量。舊年就有2萬戶有需要人士分別得到300元特別資助，減輕咗電費開支。環境局長黃錦星（左二）、中華電力總裁潘偉賢（右二）同受惠機構「路向四肢」嘅代表許毓青（中），噚日就一齊呼籲市民參加呢項活動。