新聞類別
財經
詳情#
【明報專訊】新地（0016）郭氏第三代成員陸續登場。繼集團前主席兼董事總經理郭炳江之子郭基煇喺2014年尾加入董事會後，今次輪到現任主席兼董事總經理郭炳聯細仔、替代董事郭顥澧胞弟郭基泓（圖）加入董事會，由噚日起生效。郭基泓今年只有29歲，即係話佢打破咗郭基煇31歲加入董事局紀錄，成為最年輕加入嘅新地董事。
郭基泓每年可獲30萬董事袍金，及其他預計酬金約每年230萬蚊。擁有哈佛大學化學理學士學位及史丹福大學商學研究所工商管理碩士學位嘅佢，早喺5年前已加入新地。今次佢幫爹哋手，主要職責包括香港及中國內地主要住宅及商用物業銷售、項目管理及租務工作，不過最有趣都係「協助主席處理所有其他業務，特別是非地產相關業務」，言下之意即係咩都要學、咩都要理，莫非想培養佢做主席接班人？
新地就話，今次任命係由董事局決定，係業務持續發展計劃一部分，仲話今後基煇、顥澧同基泓都會喺唔同工作崗位發揮所長，透過團隊合作帶領新地持續發展。
email: piano@mingpao.com
[小琴密語]
郭基泓每年可獲30萬董事袍金，及其他預計酬金約每年230萬蚊。擁有哈佛大學化學理學士學位及史丹福大學商學研究所工商管理碩士學位嘅佢，早喺5年前已加入新地。今次佢幫爹哋手，主要職責包括香港及中國內地主要住宅及商用物業銷售、項目管理及租務工作，不過最有趣都係「協助主席處理所有其他業務，特別是非地產相關業務」，言下之意即係咩都要學、咩都要理，莫非想培養佢做主席接班人？
新地就話，今次任命係由董事局決定，係業務持續發展計劃一部分，仲話今後基煇、顥澧同基泓都會喺唔同工作崗位發揮所長，透過團隊合作帶領新地持續發展。
email: piano@mingpao.com
[小琴密語]
留言 (0)
