恒地業績唔錯 四叔加薪16%

【明報專訊】上市公司年報有時最好睇嘅唔係盤數，而係一班董事會成員嘅人工同加幅都會無遮無掩咁公開，令大家清清楚楚知道呢筆人事開支係咪用得其所。去年業績唔錯嘅恒地（0012），根據佢哋年報，人稱四叔嘅主席李兆基全年袋咗2188萬元，比2014年加咗16%人工，至於佢兩個仔，加薪幅度就冇老竇咁高，大仔李家傑去年袍金連花紅津貼等等，總薪酬大約1839萬，加薪幅度只有4.1%；細仔李家誠雖然年薪只有1651萬，但加幅就有一成，都算唔錯啦。


兩公子人工不及「左右手」

之不過咁，論到待遇，兩位李公子就比唔上四叔「左右手」林高演，雖然林高演去年只喺加薪0.1%，但總薪酬3069萬元，繼續係恒地最高人工嗰位，比老細仲多成900萬人工