曾主席﹕長毛成日搵我傾偈

【明報專訊】立法會主席曾鈺成（左）同社民連梁國雄（右）早排拍咗電視節目《帶住矛盾去旅行》，擦出唔少火花，噚日佢哋再度同場，講唔同議題，同樣惹笑，好似曾主席話自己鍾意一個人嘅時間，諗吓嘢發吓夢，長毛話唔怪得佢成日入返主席房，但曾主席就踢爆，長毛成日衝入佢房搵佢傾偈。仲記得曾主席都讚過長毛好關心人，噚日對談期間，長毛見主席有啲聲沙，即刻主動遞水畀主席飲（圖），十分細心。